Miladunnabi Sallallahu Alaihiwasallam Manaane Ka Saboot Qur'aan, Hadees, Mohaddiseen Wa Mufassireen Aur Imamo Se
Miladunnabi Sallallahu Alaihiwasallam Manaana Mustahab, Jaa'iz Aur Sawab Ka Kaam Hai, Aur Khud Rasoolullah Sallallahu Alaihiwasallam Ne Apna Milad Manaya Hai Aur Bahot Saare Mohaddiseen Wa Mufassireen Wa Imamo Ne Miladunnabi Sallallahu Alaihiwasallam Manane Ko Jaa'iz Likha Hai, Jo Miladunnabi Sallallahu Alaihiwasallam Manaane Waalo'n Ko Bidati Kehta Hai Woh Khud Bidati Hai.
Miladunnabi Sallallahu Alaihiwasallam Ke Mauqe Par Awaam Jo Bhi Galat Aur Gair Sharayi Kaam Karti Hai Woh Galat Hai Aur Uska Ahle Sunnat Barelvio Se Koi Ta'alluq Nahee'n Hai, Miladunnabi Sallallahu Alaihiwasallam Sharayi Tareeqe Se Manaaye'n Aur Ulama Ki Sarparasti Me Manaaye'n.
Miladunnabi Sallallahu Alaihiwasallam Manaane Ka Tareeqa
(1) 12 Rabiul Awwal Shareef Ko Rozah Rakha Jaaye
(2) Shukraane Ki Namaaz Padhi Jaaye
(3) Rasoolullah Sallallahu Alaihiwasallam Ki Seerat Bayaan Ki Jaaye
(4) Juloos Nikaal Kar Poori Duniya Ko Bataaya Jaaye Ke Aaj Ke Din Hamaare Nabi Sallallahu Alaihiwasallam Paida Huwe The
(5) Naate'n Padhi Jaaye'n
(6) Darood Wa Salaam Padha Jaaye
(7) Logo Ko Khaana Khilaaya Jaaye Aur Paani Wa Sharbat Pilaaya Jaaye
(8) Gareebo, Yateemo Aur Miskeeno Ki Madad Ki Jaaye
(9) Masaajid Wa Madaaris Wa Deeni Tanzeemo Ki Madad Ki Jaaye
(10) Gareeb Bachcho Ki Taleem Ka Intezaam Kiya Jaaye
(11) Apne Gharo'n, Dukaano'n Aur Mohalle Ko Sajaaya Jaaye
(12) Jhanda Lagaaya Jaaye, Wagairah Wagairah (Y'ani Jo Bhi Kaam Kiya Jaaye Woh Shree'at Ke Khilaaf Na Ho)
Ab Ham Aapko Miladunnabi Sallallahu Alaihiwasallam Manaane Ki Daleel Pesh Karte Hai'n.
1 - Sureh Yunus Aayat No.58.
Tarjuma - "Tum Farmaao ! Aye Mere Habbeeb ! Keh Allah Hi Ke Fazl Aur Usi Ki Rehmat Aur Usi Par Chaahiye Ke Khushi Kare'n"
2 - Sureh Ambiya Aayat No.107.
Tarjuma - "Aur Hamne Tumhe'n Na Bheja Magar Rehmat Bana Kar Saare Jahaan Keliye".
Note :- Allah Azzowajal Hukm De Raha Hai Ke Mere Fazl Wa Rehmat Par Khushi Manaao Aur Allah Azzowajal Ka Sabse Bada Fazl Aur Rehmat Hamaare Pyaare Nabi Sallallahu Alaihiwasallam Hai'n To Jiss Din Hamaare Pyaare Nabi Sallallahu Alaihiwasallam Iss Duniya Me'n Tashreef Laaye Uss Din Khushi Manaana Qur'aan Se Saabit Hai, Aur Agar Koi Yeh A'eteraaz Karta Hai Ke Sahaaba Ne Kyu'n Nahee'n Manaaya To Iska Jawaab Yeh Hai Ke Sahaaba Ne To Seeratunnabi Sallallahu Alaihiwasallam Ke Jalse, Khatme Bukhaari Ke Jalse, Tabligi Deobandi Ijtema, Ahle Hadees Confrence Wa Deegar Jalse Bhi To Nahee'n Kiye To Phir Yeh Bhi Bidat Hona Chaahiye Na,
3 - Sunane Nisaayi, Hadees No.5443.
Tarjuma - Hazrat Ameer Mu'aaviya Radiallahu Anhu Se Riwaayat Hai Ke "Ek Roz Rasoolullah Sallallahu Alaihiwasallam Ka Apne Ashaab Ke Halqe Se Guzar Huwa, Aap Sallallahu Alaihiwasallam Ne Farmaaya ! Kyu'n Baithe Ho? Unho'n Ne Kaha Ham Allah Azzowajal Ka Zikr Karne Aur Usne Hame'n Jo Islam Ki Hidaayat Ata Farmaayi Uspar Hamd Wa Sana Bayaan Karne Aur Usne Jo Aap Sallallahu Alaihiwasallam Ko Bhej Kar Ham Par Ehsaan Kiya Hai Uska Shukr Ada Karne Keliye Baithe Hain, To Aap Sallallahu Alaihiwasallam Ne Farmaaya Allah Azzowajal Ki Qasam ! Kiya Tum Isi Keliye Baithe The? Sahaaba Ne Arz Kiya Allah Azzowajal Ki Qasam Ham Sab Isi Keliye Baithe The, Ispar Aap Sallallahu Alaihiwasallam Ne Farmaaya ! Abhi Mere Paas Jibra'eel A'laihissalaam Aaye The, Allah Azzowajal Tumhaari Wajah Se Farishto'n Par Fakhr Karraha Tha".
(Mo'jamul Kabeer Tabraani, Hadees No.16057)
4 - Muslim Shareef, Kitaabus Siyaam, Hadees No.2648
Tarjuma - Hazrat Abu Qataadah Radiallahu Anhu Se Marwi Hai, Nabi e Akram Sallallahu Alaihiwasallam Se Peer (Ke Din) Ke Roze Ke Baare Me'n Me'n Poochha Gaya To Aapne Farmaaya, Iss Din Meri Wilaadat Huwi Aur Isi Din Mujh Par Qur'aan Naazil Kiya Gaya.
Note - Isse Saabit Huwa Ke Khud Rasoolullah Sallallahu Alaihiwasallam Ne Apna Milaad Manaaya Hai.
Bahot Saare Mohaddiseen Wa Mufassireen Wa Imamo Ne Miladunnabi Sallallahu Alaihiwasallam Manaane Ko Jaa'iz Likha Hai,
1 - Imaam Jalaalludin Suyuti Rehmatullah Alaih (849 Hijri) Ne Kitaab "Husnul Maqsid Fi Amalil Maulid" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
2 - Mulla Ali Qaari Rehmatullah Alaih (1014 Hijri) Ne Kitaab Al Moridul Ruvi Fi Maulidinnabi" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
3 - Mohaddis Imaam Ibne Jawzi Rehmatullah Alaih (510 Hijri) Ne Kitaab "Ibne Jawzi Al Milaadunnabi" Me'n Milaadunnabi Sallallahu Alaihiwasallam Manaane Ko Jaa'iz Kaha Hai.
4 - Imaam Shamsuddin Al Jazri Rehmatullah Alaih (660 Hijri) Ne Kitaab "Husnul Maqsid Fi Amalil Maulid" Me'n Milaadunnabi Sallallahu Alaihiwasallam Manaane Ko Jaa'iz Kaha Hai.
5 - Imaam Nawavi Rehmatullah Alaih Ke Shaykh Imaam Abu Shama Rehmatullah Alaih (599 Hijri) Ne Kitaab "Al Baais Ala Inkaaril Bada Wal Hawaadis" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai & "Sublul Huda Wal Rushad By Imaam Saalihi Rehmatullah Alaih.
6 - Imaam Zahbi (673 Hijri) Ne Kitaab "Siyar A'laamun Nubala" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
7 - Hafiz Ibne Kaseer (701 Hijri) Ne Kitaab "Al Bidaaya Wan Nihaaya" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
8 - Imaam Shamsuddin Bin Naseeruddin Damishqi Rehmatullah Alaih (777 Hijri) Ne Apni Kitaab "Mauridul Saadi Fi Maulidil Haadi" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
9 - Imaam Ibne Hajar Asqalaani Rehmatullah Alaih (773 Hijri) Ne Kitaab "Suyuti - Husnul Maqsid Fi Amalil Maulid" Me'n Milaadunnabi Sallallahu Alaihiwasallam Manaane Ko Jaa'iz Kaha Hai.
10 - Imaam Shamsuddin Al Sakhaawi Rehmatullah Alaih (831 Hijri) Ne Kitaab "Sublul Huda Wal Rushad By Imam Saalihi Rehmatullah Alaih" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
11 - Imaam Qastalaani Rehmatullah Alaih (851 Hijri) Ne Kitaab "Al Mawaahibul Ladunniya" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
12 - Imaam Qutubuddeen Hanafi Rehmatullah Alaih (988 Hijri) Ne Kitaab "Al Aa'lam Be Aa'lam e Baitillaahil Haram" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
13 - Imaam Ibne Hajar Makki Rehmatullah Alaih (909 Hijri) Ne Kitaab "Fataawa Hadeesiya" Me'n Jashne Milaadunnabi Sallallahu Alaihiwasallam Manaane Ko Jaa'iz Kaha Hai.
14 - Deobandio Ke Sabse Bade Peer Haaji Imadaadullah Muhaajir Makki Sahab Ne Apni Kitaab "Faisla Haft Masla" Me'n Likha Hai Ke Mai Khud Milaad Ki Mehfil Me'n Shareek Hota Hoo'n Aur Ise Barkat Ka Zariya Samajhta Hoo'n Aur Isme'n Luft Wa Lazzat Paata Hoo'n.
Qur'aan, Hadees, Mohaddiseen Wa Mufassireen Wa Imamo Se Hamne Saabit Kardiya Ke Miladunnabi Sallallahu Alaihiwasallam Manaana Bilkul Jaa'iz Hai, Ab Agar Koi Miladunnabi Sallallahu Alaihiwasallam Manaane Ko Bidat Kehta Hai To Woh Khud Bidati Aur Fitnabaaz Hai.
